ગણિત - કવિતા

૦ વર્તુળ ૦

કેન્દ્રબિંદુ છે મારી નાભી,
ને હું ગોળ આકારમાં વ્યાપું છું...!

ત્રિજ્યા લઈ ફેરવો પરીકર તો,
હું મારા ચેહરામાં આવું છું...!

વ્યાસ કરે છે મારા સરખા બે ભાગ,
ને હું જીવાને મારામાં સમાવું છું...!

મારું કોઈ કદ નથી છતાંય,
પરિઘની હદમાં રહું છું...!

ગુરુને,લઘુ ચાપ મારા અંગ છે,
તોયે વૃતાંશથી હું કપાઉ છું...!

કંકણને જોતા સ્મરણ થશે મારુ,
ને બિંદુઓના સમૂહથી રચાઉ છું.

લાગે છે તમે મને ઓળખી ગયા.
"ગોહિલ" હું ગણિતનું એ વર્તુળ છું...!

- દિલીપસિંહ ગોહિલ