ગઝલ

એવું પણ બને…!

થાય વિહવળ આંખ મારી તમને જોવા,
ને તમારો પડછાયો પણ ન મળે એવું પણ બને !

ચારેકોર આનંદને ઉત્સાહ રેલાયો હોય,

ને દિલમાં દુઃખનો પાર ન હોય એવું પણ બને !

ભર ચોમાસે આભમાં અમીના છાંટા હોય,

ને બિચારું ચાતક તરસે મળે એવું પણ બને !

ખીલી વસંત બાગમાં ચોમેર આજ,

ને સઘળાં ફૂલો મુર્જિત હોય એવું પણ બને !

થાય અજવાળું પૂનમના ચાંદનું જ્યારે,

ને ચકોરીને ઉડતા અંધારું નડે એવું પણ બને !

ચાહે મળવા ઘણું ઝંખે ગોહિલનું મન,

ને મળવાના સંજોગ ના બને એવું પણ બને !

(સ્વરચિત)

દિલીપસિંહ ગોહિલ

વામૈયા પ્રાથમિક શાળા